تحدث الفنان الكبير خالد محمود عن ذكريات حديثه وجلساته مع السيناريست الكبير الراحل مصطفى محرم، أثناء السنوات الأولى من عمله بالوسط الفنى، حيث أوضح أن بداياته كانت في السينما، لكن بعدها واجهت أزمة كبيرة مما أدى إلى انشغاله فى الدراما التليفزيونية بشكل أكثر، ولكن هذا الأمر أحزنه على حد قوله، لرغبته فى الاستمرار والتركيز على السينما.
وقال محمود في مداخلة هاتفية لتليفزيون اليوم السابع: "لما زعلت من التواجد في الدراما التليفزيونية أكثر من السينما، خدت نصيحة كبيرة من الكاتب والسيناريست الكبير مصطفى محرم ربنا يرحمه، لما أنا كنت بتناقش معاه إن السينما فى أزمة وأنا مش عارف اشتغل فيها كويس.. فقالى: الفنان يشتغل سينما مسرح تليفزيون.. المهم إن رسالته توصل من أى قناة من القنوات دى، وأهم حاجة يبقى ناجح.. فالحمد لله اكتشفت إن أنا كان عندى رسالة مهمة من خلال الدراما التليفزيونية والفن اللى كان مفتوح ساعتها والعروض فى التليفزيون كانت لاتنتهى ليا، فقولت مش مهم بقى سينما تليفزيون.. المهم نقدم فن هادف محترم يوصل للناس.. والحمد لله ده اللى وصل للناس من خلال الفكرة اللى كونوها عنى بتقديمى فن له قيمة ومعنى".
التعليقات