أعرب الفنان إيهاب فهمى رئيس البيت الفني للمسرح عن سعادته البالغة بالمشاركة فى افتتاح فعاليات منتدى مصر، بحضور وتحت رعاية فخامة الرئيس عبد الفتاح السيسى، وبمشاركة رئيس الوزراء وعدد كبير من كبار رجال الدولة ونجوم الفن والثقافة والمجتمع.
وقال الفنان إيهاب فهمى في مداخلة هاتفية لتليفزيون اليوم السابع: "كنت أحد المشاركين بالأمس في افتتاح فعاليات منتدى مصر، بحضور وتشريف رئيس الجمهورية، وتشرفت طبعا بوجودى فى منتدى مصر، فى وجود فخامة الرئيس عبد الفتاح السيسى، والحقيقة كان يوم عظيم جدا.
وأضاف فهمى لتليفزيون اليوم السابع قائلا: "وزى ما كلنا شفنا على شاشة التليفزيون وكل وسائل التواصل الاجتماعى، قد إيه مصر مليانة بأولادها وفنانيها ومبدعيها ومثقفيها، والرسائل الكتيرة اللي بيرسلها سيادة الرئيس بقالها فترة طويلة جدا: «خلي بالكم من مصر، إحنا كلنا ماشيين، لكن هي اللي هتفضل».
وتابع فهمى قائلا: "يعنى رسائل كلنا فهمناها، زي ما قال الدكتور إبراهيم في المقالة العظيمة بتاعته، والخطبة العظيمة اللي قالها على المسرح، إن مصر أم الأراضى.. والحقيقة إن فكرة منتدى مصر فكرة عظيمة جدا، إنك تعمل مؤتمرات ومنتديات للوقوف على الأحوال: أنت كنت فين ووصلت لفين؟ كنت فين وبقيت فين النهارده؟.
وأضاف فهمى قائلا: "ده كان لازم يحصل دايما، إن المسؤول هو اللي يقول، لكن إنك تسمع المواطن هو اللي يقول للمسؤول: عندى كذا وعندى كذا، وأنا كنت بكذا وبقيت كذا، هو ده الفكر، وده الموضوع المهم جدا".
التعليقات